Xixón confía en dar "pronto" alternatives dempués de zarrar l'aparcaderu de l'avenida de Portugal

Urbanismu recuerda que los trabayos tienen como finalidá "ampliar les places d'aparcaderu"

El conceyal d’Urbanismu de Xixón, Jesús Martínez Salvador, amosó’l "compromisu" del equipu de Gobiernu por facer "pronto" públiques soluciones y alternatives pa los vecinos dempués del pieslle del aparcaderu de l’avenida de Portugal.

Martínez Salvador fizo estes declaraciones esti martes en rueda de prensa dempués de la xunta selmanal de la xunta de Gobiernu.

L’aparcaderu de l’avenida de Portugal zarróse esti llunes per un plazu, de mano, de quince meses, que ye’l tiempu aproximáu nel que se fadrán los trabayos llicitaos pol Gobiernu del Principáu pa la construcción del nuevu aparcaderu de doble altura, que posibilitará una medría de 275 a 486 places.